Real Aykido dəyişdirilmiş orijinal aykidoya əsaslanan səmərəli, geniş tətbiq olunan özünümüdafiə sənətidir. Real Aykidonun yaradıcısı general-polkovnik, Real Aykido və ciu-citsu üzrə akademik, 10-cu Dan qara kəmər ustası, Grandmaster Lyubomir Vraçareviçdir. Uzun illik təcrübəsi, 1-ci dərəcəli yapon ustaları ilə davamlı təmasdan əldə etdiyi biliklər sayəsində Usta Vraçareviç bir neçə min texnikanı fərqləndirdi, onların elementlərini islah edərək təkminləşdirdi və digər döyüş növlərindən əldə etdiyi təcrübəsini sintez edərək, yeni bir üslub - Real Aykido özünümüdafiə sənətini yaratdı. Real Aykido son dərəcə səmərəli və çevik özünümüdafiə sistemidir. Real Aykidonun elastikliyi və sərtliyi onun ən vacib xüsusiyyətlərindən biridir. Real vəziyyətə uyğun olan müxtəlif texnikaların bir araya gətirilməsi bu idman növünün maksimal effektivliyini təmin edir. Beləliklə, Real Aykidonun qeyri-məhdud imkanları onu çoxtərəfli şəkildə praktikada tətbiq etməyə imkan verir. Bu döyüş sənəti ilə məşğul olmaq üçün yaş, cins, boy və çəki məhdudiyyəti yoxdur. Bu xüsusiyyəti yaşlı insanlara, gənclərə və kiçik uşaqlara Real Aykido ilə məşğul olmağa imkan verir. Uşaqlar üçün Real Aykido akademik Lyubomir Vraçareviç tərəfindən yaradılmış xüsusi metodik proqramla tədris olunur. Real Aykido xüsusilə cangüdənlər, xüsusi hərbi və polis bölmələrinin təlimi üçün uyğundur. Bu sahədə usta Vraçareviç hətta ölkə hüdudlarından kənarda da unikal nəticələr əldə edib - Zimbabve, Liviya, Bosniya və Herseqovina, Sloveniya, Makedoniya, Qazaxıstan, Rusiya prezidentlərinin cangüdənlərini və Rusiya polisinin "Alfa" və "Kobra" xüsusi təyinatlı dəstələrini hazırlamışdır. Real Aykido, Serbiyalı özünümüdafiə təlimatçısı Lyubomir Vraçareviç tərəfindən hazırlanmış döyüş sənətidir. Real Aykido sisteminə silahsız müdafiə üsulları, eləcə də bıçaq, tapança və s. kimi silahlardan müdafiə daxildir. Kurrikulumun özü əsasən kyu/dan qiymətləndirmə sistemi ilə ümumi aykido kurrikulumuna əsaslanır. Real Aykido universal özünümüdafiə sistemində tutmalar əleyhinə müdafiədən savayı zərbələrə qarşı bloklama, yayınma və zərərsizləşdirmə texnikaları da mövcuddur.